المطبخ بلونين من أكتر الأفكار اللي بتدّي المطبخ شكل مودرن ومميز من غير ما يبقى تقيل على العين. بس الفكرة مش إنك تختار لونين حلوين وخلاص، الأهم إزاي توزّعهم: مين فوق، ومين تحت، وفين اللمسة المختلفة. هنقولك هنا أشهر التركيبات وإزاي تختار اللي يناسب مطبخك.
الصور اللي في المقالة من مطابخ اتسلّمت ومن معرض بن صبري في مصر الجديدة.
ليه تختار مطبخ بلونين؟
- بيكسر الملل في المطبخ الكبير، وبيدّي عمق للمساحة بدل ما تبقى كتلة واحدة.
- بيخلّيك تستخدم لون غامق بتحبه من غير ما المطبخ كله يغمق.
- بيبرز حتة معيّنة زي الجزيرة أو الدواليب الطويلة أو الرفوف المفتوحة.
إزاي توزّع اللونين؟
الغامق تحت والفاتح فوق: دي أشهر طريقة. الوحدات العلوية الفاتحة بتخلّي السقف يبان أعلى والمطبخ أنور، والسفلية الغامقة بتستحمل الاستخدام اليومي وبتبان فيها البقع أقل.
الدواليب الطويلة بلون والباقي بلون: عمود الفريزر والفرن والتخزين بلون، وباقي المطبخ بلون تاني، فيبان كأنه قطعة أثاث لوحده.
لون أساسي ولون مكمّل: خلّي لون واحد ياخد أغلب المساحة، والتاني ييجي في حتت محسوبة. لو قسمتهم بالنص بالظبط المطبخ هيبان متقطّع.
أشهر تركيبات ألوان المطبخ بلونين
- لون الخشب مع لون سادة فاتح: زي الخشب مع البيج أو الأوف وايت أو الأبيض، ودي من أكتر التركيبات المطلوبة لأنها دافية ومريحة.
- البني مع البيج: تركيبة هادية ودافية، تنفع مع الأرضيات الفاتحة والإضاءة الصفرا.
- الرمادي مع الخشب أو البيج: الرمادي بيدّي شكل عصري، والخشب أو البيج بيكسروا برودته.
- الأبيض مع الأسود: أقوى تباين، وأحيانًا الأسود بييجي من سطح الشغل والحيطة اللي ورا الحوض بدل الضلف.
ولو عايز تشوف درجات خشب أكتر، بص على كتالوج ألوان مطابخ الخشب.
الجزيرة أو اللمسة الصغيرة
مش لازم اللون التاني ياخد نص المطبخ. ممكن يبقى في الجزيرة الوسطية بس، فتبقى هي نقطة التركيز في المطبخ المفتوح، أو في رف مفتوح، أو في الحتة اللي حوالين الشفاط.
نصايح قبل ما تقرر
- اكتفي بلونين للضلف، وحط في حسابك إن لون سطح الشغل والحيطة والأرضية جزء من التركيبة.
- اللون بيتغيّر مع النور، فاختار التركيبة حسب شباك مطبخك ولون اللمبات، زي ما شرحنا في إزاي تختار لون المطبخ حسب الإضاءة.
- في المطبخ الصغير خلّي الفاتح هو الأساسي، والغامق تحت أو في حتة صغيرة، وأفكار تانية في تصميم مطابخ صغيرة.
- اللونين ممكن يبقوا من نفس الخامة أو من خامتين. عندنا خمس خامات: ألفيك وسينوسان والبولي لاك (لامع بس) وإتش بي إل وأركوبا، والفرق بينهم في مقارنة خامات المطابخ.
- حط عينتين اللونين جنب بعض قبل ما تقرر، مش كل لون لوحده.
شوف التركيبات على الطبيعة
أسهل طريقة تختار بيها إنك تشوف اللونين جنب بعض في مطبخ حقيقي في معارضنا، وبعدها المهندس بيحطهم في تصميم ثلاثي الأبعاد لمطبخك قبل التنفيذ، بعد المعاينة ورفع المقاسات.
- معرض ذا يارد مول في التجمع الأول
The YARD Mall, G32 - معرض مصر الجديدة
Ard Al Golf, Beside Almaza Central - معرض حدائق الأهرام
Second gate beside Al Hoda Pharmacies - معرض دائري القطامية
Ring Road Mall
قالوا عنا
عملاء بيحكوا عن التصميم واختيار التفاصيل في مطابخهم:
أسئلة شائعة عن المطبخ بلونين
أنهي لون يبقى فوق وأنهي تحت؟
الأشيع إن الغامق يبقى تحت والفاتح فوق، لأن ده بيخلّي المطبخ أوسع وأنور. والعكس ممكن في مطبخ واسع ونوره كويس.
المطبخ بلونين ينفع في مطبخ صغير؟
أيوه، بشرط الفاتح ياخد أغلب المساحة والغامق يبقى في الوحدات السفلية أو في حتة صغيرة.
المطبخ بلونين بيغلّي التكلفة؟
التكلفة بتتحدد أساسًا بالخامة والمقاس والإكسسوارات، فلو اللونين من خامتين مختلفتين كل جزء بيتحسب بخامته. اعرف أكتر في إزاي بيتحدد سعر مطبخك، وكل مطابخ بن صبري عليها ضمان.
عايز تعرف تكلفة مطبخك بلونين؟ زور صفحة أسعار المطابخ.